Саха талааннаах омук. Кэрэни кэрэхсиирэ, уранынан умсугуйара, учугэйгэ тардара хааныгар баар. Танас тигии дьулууру, тулууру эрэйэр, сыралаах улэ тумугэр айыллар, айымнылаах ейтен санааттан уескуур аналлаах. Иистэнньэн хас биирдии улэтигэр сурэ5ин сылааьын инэрэн, оьуор мандар туьэрэн онорон таьаарар буолла5а, ол курдук Ахсынны ый 14 кунутэр Аллараа Бэстээх беьуелэгэр Г.Г. Колесов аатынан Олонхо дьиэтэ оройуоннаа5ы айымнытын киинигэр «Уран иис 2025» курэх ыытылынна. Курэххэ улууспут араас нэьилиэктэриттэн, ол курдук Дьанхаадыттан Верховцева Ньургуяна, Баатараттан Захарова Альбина , I Баатараттан Секова Ия, Тыыллыматтан Никифорова Юлия , Аллараа Бэстээхтэн Сенильга Илларионова, Саргылана Васильева буолан барыта 6 иистэнньэн кыттыыны ылла. Курэх сурун соругунан сахалыы ус оноолоох хаьыаччык тигиитигэр тэрилиннэ. Манна дьууллуур субэнэн Саха Республикатын уус-уран оноьуктарын маастара, Мэнэ Ханалас улууьун сатабыллаах маастара, «Уран Майа» тумсуу салайааччыта Сергеева Надежда Викторовна, Мэнэ Ханалас улууьун маастара, «Кэрэ иис» TYMCYY салайааччыта Туманова Наталья Васильевна уонна бу курэх ыытааччылара Баатаратаа5ы элбэх хайысхалаах киин дириэктэрэ Эверстова Уйусхаана Сергеевна улэлээтилэр. Айар умсул5анна ылларыы диэн туьунан быьыылаах, онно ессе эбэн кэбис сайдыы, сатабыл, ньыма, долгуйуу, уеруу, улэ тумугун керуу курдук ере кетуу туругар, кыргыттарбыт биир кунунэн ус оноолоох хаьыаччыгы тигэн бутэрдилэр. Саха дьахтарын мындыр, кыра5ы хара5ынан ойуулаан керен, оьуордаан-мандардаан, кене сииктээх, кербут эрэ барыта хай5ыы керер улэлэрэ айыллан та5ыстылар. Бу кун тумсэн иистэнэн, бу тумсубуттэриттэн дуоьуйалларын керен, тигиилэрин, улэлэрин керен, тэбис тэннэ астынан, дуоьуйан, уерэн, киэн туттан тар5астыбыт. Ол курдук «Уран Иис-2025» курэх тумугэ маннык буолла: «Терут угэьи тутуьар иистэнньэн» анал ааты Дьанхаадыттан Ньургуяна Верховцева, «Кене сииктээх иистэнньэн» анал ааты Аллараа Бэстээхтэн Саргылаана Васильева, «Бастын танас быьааччы» анал ааты Баатараттан Альбина Захарова, «Ураты буочардаах иистэнньэн» анал ааты Тыыллыматтан Юлия Никифорова, «Бастын моьуоннаах танас» анал ааты Аллараа Бэстээхтэн Сенильга Илларионова ылары ситистилэр. «Уран иис — 2025» мунутуур кыайыылаа5ынан I Баатара нэьилиэгиттэн Ия Секова буолла. Уран тарбахтаахтарбытыгар ба5арабыт айар аартыккыт аьыллыннын, санаттан сана улэлэри айан, тигэн, илиигитин араарбакка иистэнэ турун диэн ба5а санаабыт бастынын аныыбыт. Ону тэнэ, тэрээьиммитин тэрийиигэ кеме5ут иьин, биьиги, улахан бар5а махталбытын тиэрдэбит дьууллуур субэ5э улэлэспит Надежда Викторовна5а, Наталья Васильевна5а, куус-кеме, субэ-ама буолбут, бириистэрбитин туруорбут Мэнэ Ханалас улууьун култуура5а уонна духуобугай сайдыы салалтатыгар, Г.Г. Колесов аатынан Олонхо дьиэтэ оройуоннаа5ы норуот айымньытын киинин коллективыгар.